孖妹組合AOA成員細Ann（吳燕菁）去年參演無綫劇《女人俱樂部》，飾演江欣燕的「少女版」，更首次大跳Aerobic，她笑說：「嗰陣都唔敢食嘢，因為件衫真係太貼身，仲緊身過泳衣，幾性感！」她表示對拍劇大感興趣，與劇中「七小花」相處融洽：「今次同成班女仔一齊拍，喺冇乜壓力嘅情況下，好似返去中學嗰陣咁開心！」

細Ann（右）有幸參演《女》劇，令姊姊大感羨慕。

姊姊大Ann（吳燕珊）亦陪着妹妹日夜顛倒，她表示拍劇期間凌晨4時起床為妹妹整理東西，好讓她抖足精神。當時有份試鏡的大Ann坦言羨慕妹妹：「我試嗰個角色比較Cool，係畀人排擠嘅校花。我都幾想演奸角或邊緣角色，監製都話我駕馭到，但一套戲冇可能有兩個同樣嘅人，所以最後揀咗細Ann。」