藝人張曦雯（Kelly）早前放假到英國旅行，第一次到英國的她自爆一落機就衝去Shopping，之後更大擦英倫美食！雖然此行未有艷遇，但她大讚英國男士着得整齊又好睇！

細味完英國美食的Kelly透露，返港後增磅不少，要努力減肥迎接夏天。

Kelly與好友譚曉榆（左）孖公仔同遊倫敦。

首次坐包廂觀賞足球比賽的Kelly表示，賽後體驗英國人對足球的熱誠！

張曦雯

張曦雯早前到英國旅行，在當地大掃平貨，滿載而歸！

張曦雯（Kelly）早前到倫敦旅行，朝早七點鐘落機後第一時間衝去掃貨：「都係平時做司儀嘅裙，平過香港好多。」其後她又重遇幾年沒見的好友、前多倫多小姐譚曉榆（Hilary），二人相約同遊倫敦。

Kelly在當地勁擦聞名的Fish & Chips及雞批，更大爆返港後足足肥了幾磅，要做運動減肥！除了到歌劇院欣賞《Phantom of The Opera》外，她更第一次到球場坐包廂睇阿仙奴對熱刺：「比賽後有人喺出面打交，英國人對足球好有熱誠，佢哋Team輸咗就會好激動！」

首選華人男友

坦言沒有艷遇的Kelly大讚英國男士個個都精心打扮：「啲男仔出街都着得好整齊，着晒西裝！唔似美國嘅男仔求其着對拖鞋就出街。」

她又表示不介意找個外籍男友，但始終覺得華人比較好：「同外國人嘅家庭觀念始終唔同，華人就可以同對方爹哋媽咪溝通到。」她又指自己看重性格，但不喜歡男士表裏不一，更不介意對方搵錢比自己少。