姚子羚在無綫新劇《愛我請留言》中與黃浩然飾演情侶，首演後母的她透露劇中女兒楊鎧凝（Celine）很乖巧：「做阿媽幾得意，事前都有觀察吓啲媽咪級朋友，Celine拍過好多廣告，好Sweet又乖，所以拍攝好順利！」於劇中默默承受壓力而患上抑鬱症的她透露，其後會與浩然分手：「角色有好多內心戲同傷心崩潰場面，最難係有場戲表面就扮若無其事，但要匿埋喺廁所喊，抑壓情緒好辛苦，加上拍嗰陣屋企隻狗仔又離開咗，令到嗰排情緒都保持喺好低嘅位置。」現今科技發達，導致情侶間少見面多靠WhatsApp溝通，令關係變得疏離，子羚說：「有人講笑話依家分手都用WhatsApp，大家都慣咗唔會面對面講！但用文字唔太好，訊息傳遞得太快反而冇咗份期待，少咗份情感，愛係要講出口！」

姚子羚認為科技發達反令人際關係增加距離。