擁有33C上圍的藝員黃欣，約滿無綫後回復自由身，正期待挑戰不同角色，還揚言愈奸愈好。回想昔日獲汪明荃教戲點滴，她大讚阿姐Nice爆，為對方被誤解為「惡人」而平反！

無綫訓練班出身的黃欣，最近為香港電視拍劇。

為擺脫乖乖女形象，黃欣誓要挑戰「奸到出汁」的角色。

黃欣（Lena）曾擔任無綫節目《美女廚房》中「粥粉麵飯」女郎的「粉」，最近回復自由身的她，希望挑戰各類角色，最恨飾演奸角，她笑說：「以前成日做乖乖女角色，所以想有唔同挑戰，最想做奸角，總之畀觀眾覺得我衰到貼地就得，如果演到骨子裏嗰種奸，對我嚟講係一種肯定，所以完全唔驚畀人定型！」

大讚Nice爆

目前正為香港電視拍劇的Lena，回想昔日在無綫曾與阿姐汪明荃合作，她大讚對方照顧新人，故日後亦想做第二個「汪阿姐」，做人處事都大方得宜，她說：「汪阿姐好好人！我喺訓練班畢業後，接拍一套叫《東方之珠》嘅劇，當時要同另外兩位新人扮小花，負責喺台上伴舞，嗰陣知道原來阿姐都喺度，我哋都勁緊張，因為聽講佢好惡，點知原來唔係，阿姐一知道我哋要跳舞，竟然特登行過嚟教我哋，當堂嚇咗一跳！

阿姐除咗Nice爆之外，拍戲仲勁認真，未試過遲到，而且每次見到佢就最開心，因為佢會買勁多零食餵飽我哋，嗰排唔識肚餓，哈哈！」