譚詠麟及李克勤昨日以監製身份帶領林峯及佘詩曼等逾40位藝員，錄製無綫《2014 FIFA巴西世界盃》的主題曲。前晚成功向「萬人迷」碧咸索取簽名的阿倫，大晒碧咸簽名衫，並笑言有向他詢問曼聯換掉領隊莫耶斯一事。

阿倫風騷展示身上的碧咸簽名球衣，克勤則相當「葡萄」。

阿倫向碧咸索取簽名，笑到四萬咁口！

李玟感激碧咸百忙中抽空頒獎給她。

首次唱世界盃主題曲的阿佘，對錄音充滿信心。

譚詠麟昨日身穿碧咸親筆簽名的運動服得戚亮相監製錄音，他說：「第一次問人攞簽名，好欣賞碧咸做球員時嘅精神同態度。同佢傾曼聯換領隊，但佢都唔敢答我。（唱唔到世界盃主題曲可唔可惜？）大公司溝通需時，所以唱唔到，唔可以話可惜嘅，首歌好多畫面都有我哋，會將我哋嘅概念帶入首歌裏面。」

林峯完成劇集《使徒行者》拍攝後要為澳門個唱綵排兼操肌，他笑說：「呢三個月冇時間操，依家肌肉得番兩成，仲有少少肚腩，都驚着唔番啲衫，好彩我可以減得好快，一個月時間就夠。（同吳千語睇床諗住同居？）睇精品啫！唔係同居。」而首次唱世界盃主題曲的阿佘雖然平日甚少表演歌藝，但對錄音充滿信心：「唔驚，得嗰四句，雖然今日先聽到首歌，但係都冇乜特別難度啦！」

親切邀飲酒

另外，韓國組合EXO-M、李玟（CoCo）、陶喆、孫楠及吳建豪等前晚在澳門出席《全球華語榜中榜》頒獎禮，碧咸成為「集郵」對象，先後被CoCo、阿倫及吳建豪邀合照，阿倫更在網上留言：「終於人生第一次破戒，喺公眾場合搵人簽名，還被親切地被邀請坐下喝酒。」而CoCo受訪時感激好友碧咸百忙中抽空頒獎給她。