港姐陳庭欣早前到澳洲旅行，穿比堅尼晒升Cup「蜜桃胸」，更High爆大擺瑜伽動作，風騷迷人難怪有艷遇，吸引老外搭訕讚索！

穿起三點式的Toby夾出「蜜桃胸」，非常「澎湃」！

Toby在澳洲大堡礁玩浮潛時，大擺甫士留倩影！

增肥升Cup的Toby吸引老外上前搭訕兼合照。

港姐冠軍陳庭欣（Toby）早前與家人跟團到澳洲旅行，難得偷閒到外地的她即來個大解放，換上三點式上演一幕「升胸奇遇記」，上圍豐滿不少的她驟變「蜜桃胸」，非常有睇頭，難怪吸引到大批老外眼望望，更有外籍靚仔船員上前搭訕，大讚Toby索爆兼叫她「Miss Sunshine」。

Toby笑說：「外國人士好熱情，大家有傾吓偈，但我跟團要照顧父母，所以冇諗發展喎！（身材豐滿咗？）之前食肥咗，效果好似勁咗，但其實要再努力減吓腰同大髀就真！」

嫌老竇影相渣

Toby在大堡礁玩浮潛時十分興奮，更High爆做出瑜伽動作，又拎起海星及海參不停影相，惟她卻嫌棄此行充當龍友的爸爸：「佢啲技術好小學雞，要影好多張先有一張得，擺甫士擺到攰！」她今次主要感受南半球的大自然世界，例如到澳洲國家公園觀賞藍色螢火蟲及落水捉蟹，令她相當難忘！