由王祖藍及胡定欣主演的劇集《食為奴》收視理想，無綫行政主席梁乃鵬博士昨晚筵開十席慰勞工作人員，祖藍笑言演技浮誇沒信心膺「視帝」，但希望奪得「最佳劇集」。

王祖藍自嘲未夠靚仔拎視帝，希望奪取「最佳劇集」。人人開心！

在劇中苦戀的萬綺雯及黃智賢，昨日現身合照祝賀收視理想。

傳不和的林盛斌（右）及安德尊作狀捏死對方，實情卻老友鬼鬼！

藝人王祖藍、胡定欣、萬綺雯、何雁詩、黃智賢、林盛斌及安德尊主演的劇集《食為奴》收視理想，昨晚舉行「梁乃鵬博士歡宴《食為奴》台前幕後仝人」活動，於電視城餐廳筵開十席，演員、助理總經理區偉林及逾百員工有份出席，場面熱鬧。

問到男主角王祖藍會否有意開拍續集，他笑說：「係都開《老表，你好Hea！2》先啦！最好兩套劇拎晒全年收視第一、第二位。（《女人俱樂部》好勁？）我都有功勞，有份拍宣傳片！（想拎視帝？）我唔靚仔，演技又浮誇，邊輪到我，拎『最佳劇集』就大家開心！」

而張繼聰被問到薛凱琪（Fiona）被指與他太太謝安琪似樣時說：「各有各靚，有同太太傾過，佢好鍾意Fiona！」他又指人靚不只講樣貌，更要有內涵：「鍾意太太呢一種！男人婚後賀爾蒙會變，見到靚女都唔會同太太比較。囝囝都話媽媽係全世界最靚嘅！」

喊到生眼瘡

而早前傳鬥不和的林盛斌（Bob）及安德尊狀甚老友，阿Bob說：「冇不和同嗌交，冇叫佢收皮。平時都係鬥嘴，未入無綫已經識佢！」不過安德尊「唱反調」：「有不和呀！佢紅得好緊要，成日叫我收皮！」又笑言拍《年代大激鬥》續集不想見到阿Bob：「唔想佢喺度，叫佢返新城啦！」另外，亞視出身的萬綺雯則表示不知亞視遭入稟清盤一事，問到會否擔心舊同事丟飯碗時，她說：「當然希望大家繼續有份工！（慶幸走得快？）冇話慶唔慶幸，好難評論，繼續做好自己！」她又透露兩個月內兩隻愛貓先後離世，她哭到生眼瘡要睇醫生。