昨日有不少星級「金粉」前來追捧金秀賢，當中無綫藝人黎芷珊及恒生新抱何倍倩被抽中獲贈金秀賢親筆簽名海報，更在粉絲見面會跟偶像合照，相當幸運！興奮爆燈的黎芷珊說：「我真係好開心！估唔到！張海報要擺喺枕頭隔籬，每朝起身錫一啖！（有合照？）係呀！但由大會影，唔畀我用手機影，我同金秀賢握咗個手，佢好Nice！」而何倍倩甫到場即攬實金秀賢紙牌興奮合照，笑言不怕被老公鬧：「佢唔介意，平時我哋一齊煲劇，都中晒『劇』毒！（金秀賢係No.1？）係呀！女就係全智賢。」她透露韓國事務所方面相當嚴謹，禁止她們用手機拍照，事前更出動保安「扮金秀賢」企位，綵排後金秀賢真身才出場，與她們合照及握手，她大讚偶像高大又靚仔。

黎芷珊笑言要每朝起床錫金秀賢海報一啖。

何倍倩（左）被抽中獲贈金秀賢親筆簽名海報。

姚書軼咀「都敏俊」海報，認真連名模也瘋狂！

名模姚書軼則自嘲是首次追星：「我過年時喺上海煲《來自星星的你》，當時病咗入院九日，全靠套劇陪我度過痛苦日子！（今次冇合照喎！）我唔會衝上台，但會做啲出位動作吸引佢注意！」從內地趕返港的黃日華女兒黃芷晴自爆母親梁潔華也是星星迷，歐陽妙芝大讚《來》劇有令女士蜜運及回春的感覺。至於黃美琪、丁子高及周國豐伉儷等悉心打扮到場。