夏天,讓人聯想到熱情的陽光與海灘,為對抗風和日麗的天氣,除日常的防曬保護外,美白護理亦相當重要!今年進軍歌壇的何雁詩(Stephanie)有獨家的美白心得,身為運動員的Stephanie經常在戶外活動故很易曬黑,最近她專誠找做美容生意的朋友幫手:「佢推介咗啲天然產品畀我,由落妝到Lotion都係天然,Lotion仲要係蘋果檸檬味!」

經常出席戶外活動的何雁詩喜愛使用天然產品護膚。

何雁詩平日勤敷面膜,更有獨門護膚心得保持肌膚雪白。

她表示最近學識搽護膚品的新方法:「平時將全部嘢搽勻塊面,但朋友教我落一毫子咁大嘅Lotion係手掌,捽勻咗先用按壓嘅方法搽上面,咁做吸收得好好!」有一套日常護膚心得的她敷面膜亦相當勤力:「通常一日會敷兩種Mask,用杏仁油味嘅深層清潔敷5分鐘,再用另一隻青瓜味,雖然好似青瓜渣滓,但長期用真係有美白效果!」