前亞視高層盛品儒先後與陳霽平、已為人妻的黎虹讌及年過半百的魏秋樺傳緋聞，暫時未有新工作的他，近期搭上年約30歲的新女蔡一鳳（Michelle）。據知，Michelle家底豐厚，任澳門海峽女企業家協會會長，亦是大企業的執行董事，其前男友盧啟邦更是太陽集團執行董事，有指許亦妮早前曾介入兩人戀情。

盛品儒挽到一袋二袋，幫Michelle做阿四。

盛品儒搭着Michelle膊頭，狀甚親暱。

昨午4時，盛品儒陪Michelle在中環超市買餸，甫進店內即搭住女方香肩，逛了一會便選購了蔬菜、扒類及紅酒前往付款，盛品儒更做苦力拿戰利品。行經護膚品店時，Michelle入內掃貨，而盛品儒則在門外玩手機打發時間，其後雙雙乘的士返家玩煮飯仔。另外，盛品儒前晚帶同Michelle出席朋友聚會。

盛品儒昨日在電話中承認與Michelle拍拖大半年：「我哋喺冇壓力下相處得好舒服，佢心地好好，又就得我，會視對方為結婚對象。（你咁多緋聞，女友知唔知？）佢都了解過，明白我過往嗰啲都係花邊新聞。」