馬浚偉和陳法拉首次合唱新歌，原來他們向來以兄妹相稱，因此今次不唱愛情，只唱兄妹情！當馬浚偉提議和法拉夾份投資時，一不留神口快快說：「我嗰啲係皮肉錢！」差點令人誤會他有另類副業，非常搞笑！

法拉和馬浚偉這對「兄妹」見到B女立刻喜形於色。

法拉抱B抱到兩手起弶，想做賢妻良母睇嚟要練多啲喇！

馬浚偉和陳法拉昨日在荃灣拍攝合唱歌曲《非戀之情》的MV，即將出專輯的馬浚偉今次打盡人情牌，邀得靚女法拉合唱，但只唱兄妹之情而不唱愛情，馬浚偉指這首歌是他們的故事：「我同監製講話要唱有我哋感覺嘅歌，我哋合作拍咗四套劇，有兩套都係做兄妹，入晒心，現實我都係叫佢阿妹，佢叫我阿哥！」而接近兩年沒有出碟的法拉自言仍有Keep住學唱歌。

踩高踭抱B一額汗

問到會否再有合作機會，法拉即大爆「阿哥」手上有不少劇本，馬浚偉於是提議與法拉夾錢投資，但法拉即笑說：「我冇錢！我嗰啲辛苦錢嚟！」馬浚偉聞言即口快快說：「我嗰啲係皮肉錢！」差點令人誤會他有另類副業！他一語既出才猛然醒覺，立即改口說：「血汗錢先啱！」非常搞笑！

另外，MV找來一個三個月大的B女客串，馬浚偉和法拉輪流抱B影相，只見法拉抱B手勢十分生疏，加上腳踏四吋高踭鞋，實在睇見都牙煙！相反馬浚偉手勢有紋有路得多！此外，法拉透露稍後會與鄭中基合作拍攝以海盜張保仔為題材的電影。