郭富城昨日由內地趕返港送張耀榮最後一程，他說：「我嘅騷耀榮叔每次都有份投資，今次一定要返嚟，畀佢知我哋都好錫佢。（佢係恩人？）當然係，每次完騷佢會豎起兩隻手指公，然後一齊消夜。」問到會否開騷紀念耀榮叔？他指這是稍後的事，又建議在星光大道設立耀榮叔紀念銅像，並憶述：「記得十幾年前，我想入馬會做會員，耀榮叔介紹朋友畀我識，最後做到會員。如果禮拜三有演唱會，佢會睇完跑馬先嚟紅館。」

目送耀榮叔化作輕煙，郭富城在火葬場外檻過火盆。

朱咪咪

另外，朱咪咪昨日到靈堂向耀榮叔致祭，又自言對不起對方：「佢成日叫我返嚟開會傾嘢，我都有嘢做返唔到嚟。」