梁思浩前晚在長沙灣與莊思敏及江美儀等好友預祝生日，思浩透露生日期間會到緬甸孤兒院探訪。江美儀大爆思浩的願望是重返娘家TVB，但由於思浩與有線及now仍有合約，故短期內也不會返無綫，但他相信終有一日會重投娘家。

江美儀（左）及莊思敏齊齊為梁思浩提早慶生，認真老友！

問到返無綫的難題是否因樂易玲，他激動得哭起來說：「都有人問我仲憎唔憎陳志雲同樂易玲，我曾經好憎佢哋，嬲到將佢兩個嘅相放大好似左右門神咁貼喺門口，目的係要記住對你唔好嘅人！不過依家已經放低，會一笑泯恩仇。呢十年有啲唔開心，但係已經放低咗，張相貼咗三年，幾年前已經撕咗，要感激對你唔好嘅人！」