港姐朱千雪昨日到將軍澳中心商場出席《國際家庭掟蛋比賽》，穿上連身裙大騷長腿的她與眾同樂，以自製掟蛋器參與掟蛋，她說：「個掟蛋器我整咗個幾鐘，細個好鍾意畫畫，後來因為太忙，少咗做勞作。我遲啲會做世界盃大使，要開始準備，唔使開工就會Keep Fit，以前冇乜練線條，依家要注意番！會做運動同食清淡啲，依家少咗出街食飯，情願留喺屋企煮，順便學廚藝！（想行性感至Keep Fit？）做大使着運動裝，我想有運動身形啫！最想練腹肌，但練好耐都唔見效，上網Join Plan，試咗兩個禮拜，感覺脂肪少咗，我諗唔急得，要一步步嚟！如果Fit咗，我唔介意性感，靚嘛！」

朱千雪（右）一見到小朋友即興奮地拉着他的手，母愛盡現。

朱千雪又表示早前聽從《再戰明天》男演員的Keep Fit心得：「佢哋話夜晚唔好食嘢，我有跟住做，依家夜晚七點後唔食嘢，但要開工就難做到，盡量忍到第二朝早先食囉！」