入行20年的田蕊妮，以樂壇新人身份開處女騷，多次淚灑台上。老公杜汶澤全程擔任「機佬」，阿田則「禮尚往來」對老公盡訴心中情，Sweet爆！

Deep V又透腿的田蕊妮賣力獻唱，施展渾身解數。

首次開個唱的田蕊妮激動得在台上五度落淚。

田蕊妮趷籮獻唱，杜汶澤即舉起「大炮」狂影。

杜汶澤

田蕊妮穿低胸裙大晒香肩，卻不慎失守。

田蕊妮前晚假九展舉行演唱會，一嘗以歌手身份開騷滋味。自言是最老新人的阿田獲大批圈中好友如徐子珊、鍾嘉欣和樂易玲等捧場，阿田父母則送上鮮花，而老公杜汶澤更全程做「龍友」為老婆影靚相。

演唱會請來蘇永康和師弟蔣卓嘉擔任嘉賓，阿田踢爆蘇永康傳粗口短訊給杜汶澤讚賞她歌藝，令蘇永康澄清：「嗰個字唔低俗！」

阿田除了又唱又跳外，談到演唱會和入行多年經歷時，更五度感觸落淚，場面感人！她特別選唱兩首歌送給老公，更大講情深說話：「我哋05年結婚到依家，經歷咗好多嘢，有起起跌跌，令我哋感情更加堅固，更加強壯，更加成熟，跟住落嚟呢首歌係對依家嘅你，杜汶澤，將來十年、二十年、甚至三十年嘅你，最想講嘅說話，不再讓你孤單。」台下的杜汶澤一臉甜蜜，阿田唱畢他更直豎拇指讚好。

食藥紓緩緊張

阿田騷後受訪時直言未夠喉，又自爆開騷前緊張得要吃藥入睡：「上台前真係緊張又期待！」問到有否向老公預告講愛的宣言？她說：「佢唔知呀！佢淨係話想今晚幫我影相，做觀眾聽歌。」