張栢芝昨日凌晨接受電台訪問，講到初戀回憶時，她自爆在澳洲求學曾做「小三」傷心到爆：「佢女朋友上嚟撳鐘，男友就推咗我入衣櫃，我仲要喺入面見到佢哋兩個情情塔塔，當時好似梁漢文首歌咁『躲於衣櫃裏』，原來佢瞞住我三年，我做咗狐狸精！」不過，栢芝不希望傷害任何人，亦很同情那位女生，故沒有即時從衣櫃裏衝出來。

問到哪種男士才能吸引她，栢芝不諱言：「雖然慣咗單身，但有時都會寂寞，我想搵個40至43歲嘅。」她又「學者」上身般說：「邊有貓唔食魚？男女都好，後生乜都玩過晒，大咗就想留喺屋企，呢啲先係極品！好彩我後生好曳。」另外，她又奉勸各男士切勿貪圖年輕，又大讚劉嘉玲及鍾楚紅有女人味，勝過無數o靚妹。