台灣歌手任賢齊昨日出席慈善單車百萬行活動，有幸在昂船洲大橋上「飛馳」的小齊表示極之開心，問到期間有沒有意外發生？他說：「因為沿途風景好靚，有啲人停低睇，有啲人Cut線，見到前面炒車，我即避，差啲撞呀。」

化身鐵騎士的小齊型到震，吸引大批粉絲邀合照！

小齊又指香港太少單車練習場地，不如台灣般普遍，他透露試過在台灣環島遊，笑言踩到差點暈倒，作為大使的他又呼籲大家注意安全：「踩單車好似好簡單咁，但踩到歪來歪去就會好危險。」臨走時他坐上其電單車與歌迷合照，令成班粉絲暈晒浪大叫：「小齊好有型呀！」