何韻詩以一襲橙啡色裙行紅地氈，卻被Dorian評為全場最醜，勁彈她失準。Dorian說：「呢條裙喺Runway睇Model咁高嘅身形着都麻麻哋，佢嘅高度着就好有難度，原本及膝長度嘅設計對佢嚟講都太長，又着到佢冇晒腰，條裙本身亦唔適合着嚟行紅地氈。裙嘅顏色顯得佢嘅皮膚好黃。」而湯唯所選的戰衣雖然漂亮，可惜卻不襯她，Dorian說：「條裙本身靚但佢着就太成熟，沉色得滯，同埋佢黑色頭髮唔應該放晒落嚟，感覺好重好成熟，兼好亂，仲顯得佢好大隻。」性感女星孟瑤的衣着亦被Dorian評為過分暴露，Dorian說：「有時胸大着衫未必好，佢本身胸大就唔好刻意Show，Tube Dress顯得佢個胸更大，佢皮膚白加上身材豐滿，就顯得肥。佢呢身打扮好Predictable（預計），太刻意去露。」

何韻詩穿上不合高度的裙行紅地氈，可謂老貓燒鬚。

湯唯頭髮凌亂，顯得有些累贅。

「胸」襲紅地氈的孟瑤被指露得太刻意。