每次在大型頒獎禮的紅地氈上，一眾女星都盛裝打扮，務求成為全場焦點，其實不少男星亦花了不少心思。何國鉦認為男士多以黑白色西裝或「踢死兔」出席，這是最穩陣的打扮，但卻沒有驚喜，因此要數印象深刻的，首選奪得「最佳衣着」獎的張家輝，他說：「當所有人都着黑白色嘅時候，家輝嘅紅色褲就變得好Sharp，佢行紅地氈嘅時候好有自信。」他亦大讚雷頌德的藍色打扮配吊腳褲裝型格十足，同樣突出。有讚當然有彈，Dorian就不太欣賞麥浚龍和余文樂的奇怪打扮，他說：「佢哋兩個嘅打扮都相似，同樣闊褲配長褸，但麥浚龍身形比較矮，所以顯得佢對腳好短，佢不嬲都係潮人，所以今次有啲失望。余文樂就好少少，始終佢Model出身，會容易Carry。」

穿紅色褲的家輝夠晒Sharp。

拖着千嬅行紅地氈的樂仔被指打扮奇怪。