藝人張智霖昨日由「Captain Cool」變為「Director Cool」，親自執導自己MV，更碌盡人情卡請來好友伍詠薇和蔡一傑擔任男女主角。伍姑娘和傑仔會在MV內肉帛相見，兩人毫不尷尬之餘更笑言會互相抽水，又指會即場上演「麻雀論英雄」！

伍姑娘在Chilam和蔡一傑面前大玩黑絲誘惑，毫不尷尬。

Chilam碌盡人情卡，請來好友伍詠薇和蔡一傑擔任MV男女主角。

張智霖（Chilam）昨日為自己新歌MV執導，請來老友伍詠薇和蔡一傑擔任男女主角。伍姑娘為力撐好友，在西裝外套內僅穿黑色胸圍，並大玩黑絲誘惑，性感程度令人噴血！

麻雀論英雄

伍姑娘表示和傑仔會在MV內「激戰」連場，更自爆會真空上陣：「因為你哋（記者）嚟，我入邊先加咗（Bra），陣間入邊冇嘢！（點做安全措施？）我個胸口交咗畀張導同傑仔，演員最緊要信任對手同導演，要放晒手做，一係唔好嚟，一係兩肋插刀！我冇戴胸圍廿幾個鐘！」

伍姑娘又笑言摸盡傑仔身上八舊肌肉，令傑仔笑言要反擊，更搞笑地以「麻雀論英雄」作比喻：「佢當八筒咁甩呀！佢甩我隻八筒，我陣間甩佢隻二筒！」兩人講得「性」起更拉Chilam落水，伍姑娘說：「我陣間甩番佢隻一索！」傑仔亦加把口說：「我食佢隻一索！」認真不文。

而擔任導演的Chilam被問到為何不邀請老婆袁詠儀和他「肉搏」？他即笑說：「其實我哋之前有合作過喺台灣拍電視劇，並唔係一件愉快經歷，因為會有好多拗撬，戲嘅情緒會帶咗去現實，咁樣唔划算。」

另外，Chilam昨日在微博向歌迷報喜，指紅館演唱會優先訂票已經售罄。