李思捷前晚於灣仔舉行生日派對，慶祝40歲生日，好友胡杏兒、胡蓓蔚及蕭正楠等到賀，緋聞女友王宝宝到場時讚思捷今年是「Fantastic Four」，又送上靚鞋作生日禮物。

思捷開P慶祝男人四十，表示想收王宝宝與陳雅倫的飛吻作禮物。

王宝宝送潮鞋賀思捷，笑言鬼妹仔唔怕鞋鞋聲。

蕭正楠（左起）、曹永廉、胡杏兒和胡蓓蔚齊齊賀壽星思捷。

李思捷前晚於灣仔的卡拉OK舉行Party，不少圈中朋友到賀，何華超、胡杏兒、胡蓓蔚、萬綺雯和蕭正楠等均有出席，思捷到場時指Party前與家人吃晚飯，問到生日願望？他說：「唔講得，講咗唔靈！（王宝宝同陳雅倫會唔會到？）圈中朋友好多都好忙，有啲要開工嚟唔到！（會醉？）唔可以咁快醉，40歲想難忘啲！（想做美魔男？）我上年拍咗套『熟男』（指《熟男誘惑》），40歲都應該係『熟男』!」至於想緋聞女友王宝宝與陳雅倫有甚麼表示？他說：「飛吻都得！（直接咀？）冇所謂，益咗我啫！」

姍姍來遲

姍姍來遲的王宝宝拿着金色大袋與女友人到場，身穿連身裙的她被問到手上的大袋是否送給思捷的禮物？她說：「係做騷着嘅鞋，係佢鍾意嘅牌子！（唔怕鞋鞋聲？）哎吔！鬼妹仔冇所謂啦！佢今年係『Fantastic Four』，佢好驕傲自己40歲！」問到為何作為女主人仍遲到？她再三澄清說：「We Are Not Together！Just Friends！」另外，何華超在微博上載不少派對場內的照片，見他滿場飛四圍集郵，先與杏兒合照，再與萬綺雯舉杯影相，又與壽星仔思捷搭膊頭影相。