《一代宗師》王家衛和《激戰》林超賢成為民選金像獎「最佳導演」熱門人選，王家衛以2票之差領先。林超賢昨日受訪時知道與對方叮噹馬頭即謙虛笑稱不能跟地位高的人比：「又畀壓力我！我點同人比！入圍個個人面廣、地位高，我一定係陪跑嗰個，冇得爭！」提到憑《激戰》爭影帝的張家輝拋離對手，他戥家輝開心，笑言如果對方稱影帝要去其派對「叨光」，問可會送禮物祝賀？他說：「唔使啦！上次佢憑《証人》贏出我都冇送，遲啲合作仲好！」
