章子怡預咗贏張家輝要咀嘴
本屆「香港電影金像獎」今晚揭盅，雖然鹿死誰手仍是未知之數，不過張家輝在《激戰》的破格演出，輕易令他在「星級民意調查」中脫穎而出，與《一代宗師》的章子怡雙雙榮登「民選影帝、影后」。對於頒獎禮前率先贏了漂亮一仗，家輝坦言深感鼓勵，承諾倘若今晚得獎的話，日後會將自己推向懸崖，更努力去鑽研演技回饋觀眾。然而有指金像獎評委意向中，卻顯示梁朝偉有望突圍而出「六度稱帝」，本屆影帝之爭可謂相當激烈！
章子怡一心諗住封后，難怪出席活動時笑得零舍開心！
本報連日找來圈中約40位業內人士，包括張智霖、古天樂、吳彥祖及任達華等，就今晚舉行的「第33屆香港電影金像獎」投票預測賽果。家輝憑《激戰》以27票大比數遠遠拋離其他4位對手，率先成為本屆「民選影帝」，「星級評審」中不少人看好家輝的破格演出，開拍前花去不少心血變身肌肉男，拍攝期間又遇上意外導致手指斷骨變形，為他博得不少掌聲回報，導演阮世生說：「家輝喺《証人》演出只要兼顧一個層次，但呢次佢要打、要同小朋友做戲，更加要演活『爛撻撻』嘅人物性格，係一個深層次嘅演技，值得鼓勵。」
家輝昨日接受電話訪問，得悉演出獲得業內人士認同，即興奮地說：「如果係咁，真係好多謝大家對我嘅支持，不過咁樣都唔會左右到今晚我以平常心去面對得失。如果僥倖攞獎，我會推自己去懸崖邊緣，再努力去面對嚟緊各方面嘅演技挑戰。上次一眾女記者錫我面額祝賀，今次輪到嘴對嘴喇啩！哈哈！」家輝今晚選擇不攜眷同行，將夥拍《激》片台前幕後齊齊踏上紅地氈，再一次在觀眾面前展示團隊精神。
評委獨愛偉仔穩打穩紮
至於章子怡早前已憑《一代宗師》八度封后，她再在「民調」中力壓勁敵湯唯及鮑起靜「封后」！她前晚應品牌Calvin Klein之邀遠赴新加坡參加活動，吸引半百記者，子怡全程表現淡定，但對於男友汪峰求婚及懷孕等傳聞不作回應。談及今晚爭獎信心時，她說：「應該可以吧！（奪獎不敗，有壓力嗎？）這個不會。」
而金像獎評委投票直至昨晚還未完成點票，但可靠消息則指稱最後有份投票定輸贏的同業，卻似乎對已在金像獎「5度稱帝」的梁朝偉情有獨鍾，認為他於《一代宗師》內的表現穩打穩紮，故最終究竟由家輝還是偉仔稱帝，競爭愈趨激烈，今晚粉絲們相信會自備花生，坐在電視前等睇好戲！
