擅長拍攝動作片的陳木勝，最近憑電影《掃毒》入圍「最佳導演」，與王家衛、杜琪峯、林超賢等重量級導演一較高下！但曾數度提名最佳導演的他，並不認為該片備受好評而被睇高一線：「動作電影比起藝術電影嘅攞獎機會不嬲都少，所以藝術電影相對地較易攞獎。（咁仲有冇信心？）點可以話冇？五五波啦！」

陳木勝（右二）對於古天樂（右）及劉青雲（左）能角逐影帝而大感高興，可惜張家輝未能憑《掃》片入圍。

陳木勝對於電影拍攝一絲不苟，從指導演員走位到翻睇Playback都親力親為。

雖然未有欣賞對手的作品，但對於兩位男主角古天樂及劉青雲同時角逐影帝卻大感高興，更笑言手掌手背都是肉，很難選擇：「其實可以話套戲三個男主角都入晒，只係張家輝代表另一套戲啫，佢都有問我點解佢唔入，當初報名的確三個都有報，但最終家輝冇份，我係覺得有啲滄海遺珠！」