鄭希怡（Yumiko）與新婚的丈夫梁學儲（Andy）日前結伴到中環行街，二人突然在商場「耍花槍」！他倆先細聲爭論，其後又隔數個身位玩「互睥」，Andy見狀即面燶燶，Yumiko亦扁晒嘴，現場瀰漫着陣陣火藥味，嚇得店員暫時避走。

Yumiko（左）同老公行街不但行到離行離列，Yumiko仲嬲爆爆添！

Andy諗住氹番老婆，可惜Yumiko掛住傾電話，當佢冇到。

未幾，Yumiko衝出商場，Andy見老婆發嬲，即急步追向前，主動出冧招氹老婆。兩人在門外傾完一輪後又火速和好，其後與朋友會合乘七人車離開。