昨日Mandy Lieu與文詠珊（Janice Man，JM）在Anteprima Wirebag活動上，以透視裝正面交「峰」，Mandy內襯Girdle谷出心形胸，睇頭更勝內穿小背心的JM！問到Mandy有否加墊？她說：「加乜？我使乜加？（夠大？）正常！我原本都有（指胸）！」記者笑她不用打底時，她即笑言不可以只黐乳貼，否則會被打格仔：「怕你哋出唔到！」她又透露剛從峇里返港，見識過無上裝沙灘，更自爆曾誤去希臘的全裸沙灘，令她大嚇一驚：「我着住件泳衣行落沙灘，見到個全裸男，我仲話變態佬呀！點知人哋見我着住泳衣係咁Say No No No……（你咪除囉？）唔好益佢呀！不過我真係接受唔到！」

勁谷心形胸的Mandy（右）搶了文詠珊不少風頭！

同場的何嘉莉則以露腰裝現身，問到老公可有詐型嫌她太瘦？她笑言老公冇Say：「身形由我話事！」