劉丹日前偕一眾《愛．回家》演員朱慧敏、湯洛雯等出席無綫行政主席梁乃鵬的晚宴，即將做爺爺的劉丹心情大靚，全程笑到「四萬咁口」，但對孫仔的性別卻守口如瓶！劇集收視理想，一眾演員亦深受廣告商歡迎，對於有傳爆騷，湯洛雯雖然否認，但笑言現在收入穩定！

蔣家旻（左起）、朱慧敏及湯洛雯因合作拍劇而變好友。

當提起即將出世的孫兒，劉丹即笑不攏嘴。

無綫行政主席梁乃鵬昨晚於電視城設宴，筵開十一席，宴請無綫處境劇《愛．回家》一班台前幕後工作人員食飯，劉丹、朱慧敏及湯洛雯等均有出席。將做爺爺的劉丹心情甚佳，被記者不斷追問孫仔性別，他即笑着大耍太極：「你哋估吓，估中獎你哋一啖！」又直言已知孫兒性別，記者旁敲側擊問他朋友送甚麼禮物給其孫兒？醒目的他說：「咁你哋實估係仔，因為係一架火燭車，不過呢個玩具其實仔女都玩得！（改咗名未？）未呀！好難！（搵相士改？）唔係，要廣東話同國語都夾。（個孫留喺香港畀你湊？）應該係！（有傳你落嘴頭叫楊冪留喺香港生？）唔係，係佢主動跟老公，話我去講數，好離譜！」

朱慧敏呻不捨

有傳劇集會添食，朱慧敏、湯洛雯及蔣家旻表示暫時沒有聽聞，但一班演員相處融洽，若果將來停拍，會很不捨得：「之前話拍到五百集會停，觀眾都不停留言話唔捨得！」提到劇集收視理想，有傳眾演員爆騷，湯洛雯笑說：「咁又不至於，總之係穩定同開心啦！」而蔣家旻亦笑言劇集有助人氣，不少廣告商都十分愛護他們。

而梁乃鵬亦指劇集很受歡迎，但暫時未知會否添食！對於有前無綫PA爆料，他說：「佢做得七個月，知道幾多？環境都未摸熟，絕對唔能夠代表TVB嘅PA工作生涯，如果真係咁差，就唔會有人做咗幾十年！唔少知名導演好似杜琪峯、王家衛都係無綫出身，佢（指爆料PA）冇代表性！（追究？）冇需要，清者自清，個作者連名都唔敢講！（點睇陳志雲寫序？）唔明陳志雲先生點解會同唔識嘅人寫序，好似話個作者託朋友搵佢寫，呢個問題值得商榷，畀我就唔會咁做！」