獲提名金像獎「最佳女配角」的惠英紅，前日特意到尖沙咀攬攬由溥儀眼鏡贊助的巨型金像獎獎座，希望沾些旺氣。

小紅姐站在巨型獎座旁已經笑開懷，毫不掩飾恨獎心情。

再度獲提名的小紅姐，大爆前年失落女配角獎失望：「如果有真獎放喺屋企，梗係好過攬假獎！之前拍《武俠》嗰時，覺得自己一定要拎，52歲人上幾千呎海拔拍打戲，咁大年紀唔容易，付出咁多，但最終都係失望。」今次同樣恨攞獎的她表示，如果奪獎會請大家食飯。

小紅姐又大賣關子不透露戰衣款式，有備而戰的她亦大讚對手各有各好，以零壓力迎戰！她又睇好同戲導演麥浚龍奪「新進導演」，並大爆對方已準備好慶功宴。