大美人李嘉欣昨日以愛彼女皇盃大使身份出席第十六屆愛彼女皇盃獲選參賽馬匹名單公布會，同場嘉賓包括玩具大王蔡志明孻仔蔡加讚及太子珠寶鐘錶主席鄧鉅明伉儷等。嘉欣透露愛駒一寶將會出戰盃賽，屆時會入馬場擔任頒獎嘉賓及支持愛駒，又笑言被丈夫許晉亨投訴一年沒有入馬場。對於去年二月一入馬場即拉頭馬，問到是否暗示自己腳頭好？她說：「佢哋話我會影響賠率，我唔係成日出現，有呢個情況自己更大壓力，我唔想人贏唔到錢。」

李嘉欣性感現身，高貴迷人。

提到她日前在微博上載穿比堅尼和囝囝Jayden一起洗白白，她表示是囝囝的Special Request：「我之前飛咗幾日，佢將對我嘅嗲同不滿一次過發洩晒出嚟，佢話要我同佢沖涼，我即刻二話不說去沖涼換比堅尼，因為我好注重衞生。（接受唔到同囝囝裸浴？）我覺得唔係咁好，始終男女有別，着住比堅尼都好親密、好親子。如果我唔着比堅尼會影響囝囝心理健康，佢咩都會講，如果同同學仔講就唔係咁好。張相係平日照顧佢個姐姐幫我哋影嘅，感覺好健康，老公都話OK。」