單身的龔嘉欣與黃德斌為《姊妹淘》擔任嘉賓，德斌取笑Dry爆的嘉欣眼角高：「成日想識高富帥，唔係諗就有！」嘉欣則透露曾計劃與姚子羚夾錢買「姑婆屋」！

黃德斌寸嘉欣眼角高，專揀高富帥。

龔嘉欣（左起）、黃德斌、莊思敏及葉翠翠昨日錄影《姊妹淘》。

姚子羚與龔嘉欣曾計劃購入新居，被取笑買定姑婆屋。

昨日，龔嘉欣與黃德斌在將軍澳電視城為莊思敏與葉翠翠主持的節目《姊妹淘》擔任嘉賓，嘉欣大讚德斌是型男：「節目太Dry啦！要型男嚟調劑吓！」德斌聽罷笑說：「我上嚟係做姊妹！」

錄影完畢後，德斌受訪時取笑嘉欣心頭高：「佢成日想識高富帥，呢啲唔係諗就有！」嘉欣大叫冤枉：「冇講過！我同佢講想買樓，係今年嘅目標。」

旺財唔旺桃花

此外，嘉欣透露現時與姚子羚同住，寓所被指有利事業，但不利愛情，曾與姚子羚商量夾錢買樓：「買嚟自住。（姑婆屋？）係呀！我同姚子羚好夾，如果佢係男仔就會係我男友！」另外，嘉欣及德斌現時均獲贊助學電單車，嘉欣表示第一堂已跌倒三次，本身懂得駕電單車的德斌則表示考牌是為了方便將來拍戲。