陳友憑麥浚龍執導作品《殭屍》角逐「最佳男配角」。闊別香港影壇廿年的他表示，能夠入圍感到十分開心：「重返影壇再被認可，我覺得係一個好大嘅恩典，廿年冇接觸電影圈，拍一部戲得到業內朋友認可，我當咗攞獎o架喇！」

在內地發展多年的陳友，返港後拍的第一部戲便獲提名，實力不容忽視！

陳友與鮑起靜於電影中大演對手戲。

在內地發展了一段時間的陳友，被問到為何突然重返影壇時說：「本身喺內地發展得耐，想返香港影壇發展。咁啱又有呢個機會，我當係熱身賽，畀我了解香港影圈目前嘅情況！」問到為何透過麥浚龍的作品作為回歸第一擊，他說：「當日佢接觸我，佢係個好成熟嘅年輕人，令我有信心去做呢件事。其次我覺得係緣分，廿幾年前我拍過殭屍系列，今次用另一個方式去做，好似好熟又好似唔熟，感覺係一個挑戰。同埋殭屍系列嘅電影骨幹成員林正英、許冠英相繼離去，覺得總有個責任拍落去。」