鄧紫棋（G.E.M.）昨日在北京舉行「G.E.M. X.X.X.LIVE」巡迴演唱會記者會，除了首次在北京開個唱外，更宣布將在全球26個城市展開30多場巡唱。她穿上緊身露腰裙出場，令三角內褲透現，席上預告將演唱專為內地歌迷而選的歌曲，又即場哼了《東方紅》，司儀問：「你知道歌曲的歷史嗎？」她即口啞啞傻笑。

未知是否條裙太緊，G.E.M.唱歌時零舍肉緊！（鄭家俊北京傳真）

在內地傳媒發問環節，當問及舊愛林宥嘉，即被大會工作人員搶咪。事後G.E.M.受訪時否認向大會下禁令：「我冇指使，都冇講明，但唔想提佢。（林宥嘉暗示後悔追你？）有啲咁嘅事？我冇取消佢關注，但都冇留意。（有傳佢出入同志吧？）唔答佢嘅問題！（可有追求者？）冇呀！我都想有呀！啱啱先鬆一口氣，未有時間放鬆，新戀情都係順其自然。」