成龍60歲大壽,點會少粉絲份!他昨日與800名影迷在北京舉行聚會,大派禮物包括毛巾、餐具及T-shirt等。除了跟影迷玩遊戲及大抽獎外,大會還播出大哥昔日相片如童年照及父母合照等,連露股舊照也「出賣」,他笑說:「我睇到都嚇一跳!有啲我都唔記得,但好開心同大家分享。」當播出各地粉絲的祝賀片段時,成龍一度感觸落下男兒淚,雖然他指因影迷太多而感疲累,但承諾會為她們奮鬥,繼續拍電影及做善事。提到今次未能接待所有人,他希望下個60歲可讓更多粉絲參與。同月同日生的韓國型男崔始源亦有現身,並以半鹹不淡的廣東話說:「大哥好靚仔!」又送禮物給成龍。

成龍睇完各地影迷的祝賀短片,感動得灑下開心淚。

成龍與影迷玩遊戲,打成一片!

崔始源特別到場送賀禮,成龍即送抱致謝。

成龍晒出不少珍藏照,包括童年照。