洪卓立湯怡擁愛情結晶品

歌手洪卓立（Ken）昨日無懼風雨到粉嶺出席狗場義工活動，獲粉絲送上紅色旗幟，祝賀他新歌榮登四台榜首。問到女友湯怡是否同屬愛狗之人？他笑說：「我哋兩個都養咗隻狗，生咗個仔，都算係愛情結晶品嘅！」其後，Ken冒雨與Fans搬狗糧，愛心爆棚！提到薛凱琪（Fiona）為動物庇護所籌款而惹質疑一事，Ken認為Fiona做法恰當：「可能多咗假嘅機構，令大家愈來愈驚，但唔好忘記做慈善嘅出發點。」