久休復出的李蕙敏（Amanda）前晚舉行處女騷《李蕙敏FOREVER LOVE 2014演唱會》，請來王敏德及倫永亮擔任嘉賓，而張達明、莊思敏、湯寶如、黃偉文及蔣怡等均有捧場，其外籍老公Serge更熱烈支持。Amanda除了以性感歌衫示人外，又以閃Bra打底，相當誘人！不過，其表現略為失準，因聲沙而導致走音。

Amanda與王敏德於台上High爆合唱！

表演期間，Amanda大為感觸，先後多謝好友黃偉文及張國榮和梅艷芳，她說：「哥哥會似屋企人咁叫我蕙敏，又話過如果我開個唱會幫我做監製，我諗哥哥如果知道我今日開個唱，都會替我開心。」受訪時問到表現失準，Amanda說：「早兩日冷親，已經盡量瞓多啲，又中、西藥夾埋一齊食，但都因為太緊張而表現麻麻。」