前港姐黃心穎昨日出席肥媽任主持的節目《食平DD》宣傳，穿牛仔褲的心穎BB獲粉絲舉牌支持，聲勢揮低同場幾位騷長腿的陳庭欣、李佳芯和林穎彤等，向來喜歡食的心穎BB自嘲廚藝麻麻，拿手菜只有炒蛋及炒菜，故考慮認真上堂學廚，但她笑說：「要搵一個我會為佢煮嘢食嘅人先得，呢個人未出現，以前都有煎過一次牛扒畀男友食，佢有讚，上面仲有心形牛油添！」她透露6月開拍新劇，故有意在此之前返溫哥華小休。

黃心穎計劃6月開新劇前返加拿大小休。

肥媽（右二）再主持節目，教人精打細算食好嘢。

身體復原不少的肥媽，出席活動時精神不俗。

同場的肥媽早前動過大手術，她透露身體復原不少，但為健康着想也有戒口，她說：「少食有殼嘅食物，之前做完手術冇咩氣，幾驚開唔到聲、唱唔到歌，依家會勤力照顧身體，又會要自己每日熟睡六個鐘。」