珍妮花吞維他命丸險噎死

年僅23歲的金像影后珍妮花羅倫絲（Jennifer Lawrence）近年風頭一時無兩，但日前卻差點在事業高峰時「歸西」！有指珍妮花日前忙於拍攝《飢餓遊戲3：自由幻夢下》（The Hunger Games：Mockingjay Part 2）時，趁空檔一口氣吞下數粒維他命丸，怎料卻被其中一粒藥丸噎在喉嚨！

半隻腳踏入鬼門關

有目擊者說：「珍妮花被藥丸搞到差啲窒息，不停用力喘氣，佢又用手指住喉嚨示意，成塊面即時變成鮮紅色！當時身邊所有人都手足無措，其中一位工作人員大聲叫救命，而在場的活地夏里遜（Woody Harrelson）聽到之後即刻衝上前，行到珍妮花後面，迅速地用力拍咗佢嘅背部一下，不過都冇用！於是佢又將佢強勁嘅臂彎箍實珍妮花胸膛對下嘅位置，用力壓咗兩下，珍妮花即場吐出粒藥丸！」半隻腳踏進鬼門關的珍妮花更即時狂咳，「抖順條氣」後即上前攬實「救命恩人」活地大叫：「天呀！我頭先真係以為會死喺度，今次係成世女遇過最恐怖嘅事！」

另外，活地上周六獲母校Hanover學院頒發人文文學博士學位，以表揚他在演藝事業方面的貢獻。