精通韓國文化的Jessica C.師妹楊琳（Wiyona）近日又到韓國首爾旅遊，Wiyona此行添置新裝之餘，更嘗盡當地美食！韓式香蕉奶大家就飲得多，Wiyona率先試飲香蕉奶酒。她說：「呢個香蕉奶酒係喺一間新潮韓國餐廳飲嘅，甜甜哋幾易入口！嗰度啲炸雞、飯糰、紫菜卷同無餅底Pizza都好好食！」

曾被韓國男力追的Wiyona嫌其太大男人。

Wiyona勁食「星星炸雞」。

香蕉奶酒是Wiyona的必食之選。

Wiyona建議熱氣的韓式BBQ可在旅程的最後一天才吃。

因發燒而要留在酒店休息一天的Wiyona提醒大家：「如果食韓式BBQ呢，我就唔建議第一日食啦！最好就最後一日食啦！因為好熱氣！嗰邊又乾，好易喉嚨痛！我就係本身已經病病哋，再食埋BBQ，喉嚨痛到火燒咁，喺酒店瞓咗一日冇得出去！」

常到韓國旅遊及入貨的Wiyona，自爆曾有韓籍男士追求：「之前都有考慮過韓國男人，但係太大男人啦！之前有個韓國男仔鍾意我，佢就周圍同人講：『呢個女仔係我㗎！』我同其他人玩佢又會黑面，好大壓力！搞到冇人同我傾偈！」不過她大讚認識的韓國男士都很專一，又說如果遇到喜歡的人會盡量互相配合。