動作女星陳鈺芸（JuJu） 每次現身公開活動都大晒美好身材，問到身上冇半點贅肉的她有何美容及瘦身心得？屬於油性皮膚的她笑言會晚晚洗四次臉，以確保能徹底卸妝：「我每晚會用兩次卸妝油落妝，之後再用洗面梘洗兩次。（一晚洗四次面唔怕太乾？）我會即刻敷Mask，特別係對眼，會再另敷眼膜。」JuJu自爆愛食蘋果及番茄美顏：「自從我戒咗食澱粉質，例如飯同麵，之後就主要食有蛋白質嘅食物同生果，特別係蘋果同番茄。不過蘋果一定要連皮食，而番茄就煮熟食會更有營養。」擁有六舊腹肌的她更指「操肌」是瘦身良方：「我每晚都打兩個鐘拳，隔日朝早就會舉啞鈴同做Gym。因為肌肉愈多，新陳代謝就愈快，減肥亦會減得快啲。」

大騷「老鼠仔」的JuJu身形Fit爆。

JuJu會做Gym及每晚打兩個鐘拳Keep Fit，認真厲害。