藝人黃長興日前被《好報》拍得與懷有身孕的太太Peggy到嬰兒用品公司Shopping，愛妻的他做埋「阿四」，期間拿着大袋、細袋，部分是BB日用品及手提嬰兒床。長興昨日透露預產期為下月，即將榮升爸爸，心情勁緊張：「依家每隔一星期要陪太太去見醫生，比做阿四更忙碌！最近買埋放喺屋企嘅BB床，連走佬袋都執好，隨時準備入院。（開刀定順產？）暫決定開刀，照咗知道係囡囡，所以開始改名，但用邊個就未定，中文名就睇時辰八字，再搵師傅幫手。」

太太肚大如籮，黃長興一手拖實一手拎戰利品。