台灣型男彭于晏（Eddie）落實與阮經天（小天）演出林超賢新作《破風》，日前兩人特別來港出席宣傳活動後，小天「打道回府」趕戲，而Eddie則獲林導安排飯局，與他補祝32歲生日。Eddie全程四萬咁口，手舞足蹈兼與林導等玩自拍。據悉，飯局內林導提出再與Eddie簽片約，預計明年開拍，其片酬更躍升到約500萬港元，「錢」途一片光明。

彭于晏與林超賢邊食邊斟合作。

彭于晏、林超賢

林導昨日接受電話訪問時坦承有意與Eddie再合作，對他讚口不絕：「不過題材都未定，所有嘢都好初步構思啫！佢係一個好努力嘅演員，睇好佢可以躍升為一線。」而本身正趕拍另一新片的小天返台後預計於片場需逗留48小時，才能抵銷「請假來港半日」所影響的拍攝進度，令林導非常感動。