懷胎逾三個月的呂慧儀昨日出席活動,無懼大肚婆禁忌腳踏五吋高踭鞋!上圍連升兩Cup的她呻有負擔,還被Sales一句「仲會再大」而嚇到滴汗!

雖然懷胎逾三月,但呂慧儀繼續着高踭鞋,認真貪靚!

呂慧儀烏低身一露,數吋事業線Big入眼簾。

美棋BB(右)自爆肥咗,與呂慧儀同樣肚凸凸!

剛宣布有喜的呂慧儀昨日與「美棋BB」黃美棋出席商場騷,穿上五吋高踭鞋的慧儀已見肚,臀部及上圍也相當豐滿,但依然健步如飛!當與司儀談及為腹中寶寶準備禮物時,慧儀還鬧出有味笑話,講「包被」時被誤會說成「包皮」,引來台下笑聲不斷。

未決定點生

事後,慧儀被取笑為「鹹濕媽媽」而笑不攏嘴,自言回答正路,起初也不知台下笑甚麼:「冇諗到,依家轉數慢咗。(着五吋高踭鞋唔驚?)最緊要靚!老公都冇話唔畀,對自己着高踭鞋Skills(技巧)有信心,追巴士都冇問題,但都有帶鞋嚟換。」問到懷孕是否很緊張?慧儀卻踢爆老公經常偷笑,雖然成為家中女王,但透露現階段仍繼續工作。

談到懷孕後身體變化,慧儀透露沒有嘔吐,反而對上圍連升兩Cup不習慣:「平時都唔覺自己咁勁,要買過晒啲Bra,個Sales仲話我會再大,真係滴晒汗!依家好有壓力,我唔使咁大,好有負擔,體重就重咗10幾磅,同埋會鍾意食冇味精食物。」她又坦言BB是仔是女也沒所謂,最重要是健康,指預產期為今年9月,但尚未決定順產還是剖腹,一切交由BB選擇。

同場的美棋BB則自言見慧儀一臉幸福,都想快點生BB,惟對象仍未出現:「我想生三個,30歲前生兩個!」對於凸出小肚腩,美棋BB尷尬指因早前出埠吃多了,加上月事來潮所致,承諾會努力減肥。