鄭世豪父愛氾濫撩細路

藝人鄭世豪早前出席兒童活動時表示，好鍾意同小朋友玩，問到有否想過與太太計劃造人？他未有此打算，不過家人都十分體諒他：「本身工作都比較繁忙，屋企人都冇畀任何壓力，順其自然就好。」他透露入行前有諗過做兒童節目主持，想成日同小朋友相處，自爆見到小朋友會父愛氾濫：「成日喺街見到小朋友都會撩佢哋玩，好鍾意整啲古靈精怪樣氹佢哋開心。」他又表示生男生女都冇所謂，自言本身脾氣不暴躁，絕非嚴父。