李蘊在最新舞台劇將上演一幕誘人的「浴袍團」情節，而男主角李俊傑排戲後竟被誘惑到流鼻血收場。不過劇中飾演有錢靚女的李蘊大嘆在現實中冇仔埋身，皆因習慣用一雙電眼睥走異性！

李蘊笑言會用一雙電眼睥退異性！

導演梁永能對李蘊及李俊傑的表現都有讚冇彈。

李蘊在舞台劇中飾演李俊傑的仰慕者。

李蘊將與李俊傑（Jacky）擔任由梁永能執導的舞台劇《披上狼皮的羊咩咩》，劇中Jacky飾演風靡學園的型男，飾演有錢索女的李蘊則是Jacky的仰慕者。問到現實中可會主動出擊「女追男」？李蘊說：「如果大家真係有將來，邊個追邊個冇所謂，為玩嘅就唔得！同埋個男仔如果係若即若離都唔好，身為女仔都要有矜持。」

男仔頭讀書冇人追

男主角Jacky自稱在讀書時也是「校草」一名，獲不少女同學送上小禮物：「讀書時都係幾受歡迎，啲女仔上完家政堂之後，我就發現櫃桶會有番梘花、嘢食等。」可是樣靚身材正的李蘊在學校原來是「零收視」，她說：「讀書冇人追，因為我比較男仔頭，男仔望我，我就習慣好惡咁望實佢哋，我係好保護自己嘅人，所以到18歲先第一次拍拖。」

問到二人在劇中可有親熱戲？Jacky大賣關子說：「排完一場戲後我流鼻血，仲出動到浴袍，李蘊好大方咁演，反而我有少少尷尬。」另外，導演梁永能大讚李蘊表現滿分：「真係要畀滿分佢，作為唱開歌嘅人，佢係比其他Artist更勤力，佢每次都係訓練完再去排戲，一次比一次駕輕就熟。」