唱作歌手黃浩琳(Lillian)和顏培珊(Shandy)日前來到《東網》娛樂onShow擔任嘉賓,分享趣事!當主持廖嘉輝(Look)問她們有甚麼小習慣時,Lillian說:「之前喺屋企錄Demo嗰陣,成日都會關門,屋企人唔會騷擾我!而當屋企人發出少少聲,我都會畀面色佢睇!」

顏培珊(右起)與黃浩琳向主持Look分享生活小怪癖。

至於Shandy則喜歡到戶外寫歌:「可能無端端會帶埋書、電腦去公園同海邊寫歌,不過有時我都會成日煩住朋友,問佢哋幾時夾歌或者食嘢,我份人比較極端!」想知道Lillian和Shandy更多奇怪小習慣,那就要留意娛樂onShow!