《東網》ontv有齊最快最新資訊！日前名模Ana R.及Jessica C.（JC）被《東網》ontv追蹤部隊發現到鞋店濕平時，Ana R.很快揀了平底鞋，JC卻心大心細，最終空手而回！

Ana R.呆等一輪，仲要幫 JC攞埋遮，認真唔話得！

JC坐低試鞋，Ana R.在旁畀意見，可惜最後都係睇唔啱！

JC到鞋店左睇右睇，心大心細。

Ana R.與JC轉戰超市，大騷美腿，甚為養眼！

日前《東網》ontv追蹤部隊發現模特兒Ana R.與Jessica C.（JC）結伴齊齊戴上黑框眼鏡到中環行街，兩人分別穿上熱褲及短裙示人，大騷美腿，吸引不少途人眼望望，不過兩人一於少理，繼續四出到名店血拼！

其後，《東網》ontv追蹤部隊發現兩人轉戰到另一間名店睇鞋，當店員遞上新一季的小冊子給她們過目時，出名是慳妹的Ana R.不消一會即揀選了一對平底涼鞋。反觀JC卻心大心細，似乎拿不定主意，Ana R.見狀即上前給予意見，更幫JC攞遮，儼如保母一樣，更等到發呆。其後JC揀了一對平底涼鞋，並試上腳看其舒適度，不過最後都唔啱心水，空手步出鞋店。

超市分頭搵食

買完鞋後，兩人轉戰附近超市繼續血拼，她們為爭取時間，各自拿着購物籃購物。首先見Ana R.揀選乳酪及生果，而JC則主打健康食品，如士多啤梨、麥片及果汁等，各自逛約20分鐘，再會合齊齊排隊付款走人。