麥貝夷（Karene）早前出席活動時公布喜訊！她笑說：「之前我喺Instagram話有喜訊宣布，好多Fans問我係咪結婚定有咗BB，梗係唔係！係我第一次做舞台劇女主角，仲要係女一！」Karene坦言雖然恨嫁，但新戀情仍在萌芽期，故短期內都未會結婚：「十畫終於有一撇，識咗個啱嘅人，不過佢唔係圈內人，唔想講太多驚佢介意，佢都講過唔想上報紙。（畀男友食住？）係呀，驚佢飛我！」

麥貝夷首次在舞台劇擔正，開心之餘亦相當緊張。

而她今次演的舞台劇是改編自經典劇《Singing in the Rain》，故她正練習Tap Dance：「勁緊張！雖然有學過跳舞，但未試過Tap Dance，好彩今次準備時間好充裕，8月先公演。」