來自馬來西亞的廖子妤來港兩年便有幸走入大銀幕拍戲,並角逐香港電影金像獎「最佳新演員」,她坦言感覺猶如發夢,擔心未必夠撼的她笑言要着紅裙出戰沾旺氣,增加贏面!

來自馬來西亞的廖子妤來港發展僅兩年,已有機會在香港電影金像獎爭獎。

廖子妤與關楚耀上演親密場面,毫不怯場。

親友的離世令廖子妤察覺要把握當下盡力拚搏。

《末》片中,廖子妤的性感演出令人眼前一亮。

每年都有不少新血加入本港影圈,除了本地薑外,不乏來自五湖四海的新人,當中包括今年入圍香港電影金像獎「最佳新演員」獎的廖子妤(Fish)。由馬來西亞來港兩年已有機會拍攝電影《末日派對》,還跟關楚耀有不少對手戲,這些機會不是位位新人都有,回想得知入圍一刻,Fish直言相當驚喜︰「當時化緊妝準備做嘢,喺電話睇到入圍名單,仲以為自己發緊夢!我叫髮型師扯我頭髮,睇吓痛唔痛係咪發夢,之後經理人Send訊息恭喜我入圍!」

對於能否奪獎,她直言對手強勁,信心只有一半,︰「除咗我同杜鵑之外,其他都係好有經驗嘅演員,蔣家旻唔使講係有知名度嘅電視劇演員,BabyJohn都有演過獨立電影,所以相當大壓力。」面對強敵,Fish笑言要借助運氣,當晚打算穿上紅噹噹的戰衣出擊沾點旺氣。

嫌入圍太遲

來港發展兩年便入圍電影頒獎禮,相比其他新演員,已是快人一步,但Fish卻自覺跑得不夠快︰「我覺得係慢,我希望可以更加快做到更多嘢,呢兩年內我有朋友親人遇到意外或者疾病過身,我就覺得可能下一個係我,所以要再加快速度去做我人生在世好想做嘅嘢,好想再快啲再快啲!」