亞姐鄭伊娜（Ena）最近為歌手王樂霖拍攝新曲MV，與另一歌手姚嘉兒飾演一對同性戀人！首次拍MV的她指角色新鮮，在拍攝的過程中姚嘉兒更給她「男朋友」的感覺，不過很快便可以抽離角色，問到有沒有大膽的對手戲？她說：「有啲好Sweet嘅動作，都係攬吓抱吓，冇Kiss！」至於在現實生活中，能否接受同性戀？她說：「我唔介意身邊嘅朋友係同性戀，都試過畀同性追！佢好體貼，會留意到我鍾意着咩衫、着咩Size，即使唔喺香港都買完寄畀我，甚至同我講『同我一齊，我會娶你！』不過後來諗清楚，知道自己性傾向就拒絕咗佢！」

鄭伊娜（右）向「女友」姚嘉兒送吻，入晒戲！

姚嘉兒（左）和鄭伊娜呢對「戀人」咁親密，王樂霖完全變咗局外人。