胡鴻鈞早前舉行生日派對，獲Fans送上不少甚具心思的禮物，他坦言願望是身體健康，更希望身形練到像韓星般Fit爆有靚靚線條！

收到呢對橙色球鞋的胡鴻鈞大感驚喜，開心到要貼面合照！

胡鴻鈞獲逾百名Fans預祝24歲生日，收禮物收到手軟。

吳業坤（左起）和馮允謙專誠為胡鴻鈞（右）慶生，更大搞氣氛。

歌手胡鴻鈞（Hubert）日前在尖沙咀舉辦生日會，提早與逾百名Fans慶祝24歲生日，他更「識做」地逐一與Fans合照。問到生日當天留給誰？Hubert笑說：「都係同屋企人過，都冇拍拖。（心儀對象？）冇咩機會識到，依家都係工作為先！」至於生日禮物，他透露籃球隊友送了簽名籃球、球衣和球鞋，其中他最喜歡那對橙色球鞋：「嗰時我周圍搵都買唔到！」他亦非常喜歡收到DIY禮物，因看到送禮者的心意：「Fans送卡畀我會好感動又窩心！」更有Fans的生日卡齊集了Hubert出道至今的照片，令他格外感動。

最想甩病痛

去年病痛纏身的Hubert希望今年能身體健康：「上年一病就病好耐，好唔番，睇醫生足足睇咗五次，連個醫生都同我講：『胡生又係你？』（有冇試中藥？）要睇好耐喎！」同時又希望今年可以操到像韓星般的身形，不用太大隻，但有肌肉線條。當然他亦想唱更多好歌給聽眾，更表示多謝Fans一直支持，認真貼心！